Grupu Haksesuk Kla'ak (Discussion Group)

Subscribe ba Kla'ak Online
Email:
Vizita grupu ne'e

23 August 2008

Kla'ak Semanal Edisaun 27 (20 Agostu 2008)


Haliri
F-FDTL forsa povu ka Sai Aparellu Represivu Estadu ba Povu?
Iha matenek nain husi Fransa Louise Althusser nebe hamosu konseitu Ideological State Apparatusses (ISA) no Repressive State Apparatusses (RSA). ISA mak forsa nebe dalabarak estadu uza hodi influensia nia povu hanesan liu husi media, livru, igreza no seluk-seluk, maibe dala barak kuandu ISA la konsege governu sei uza forsa RSA hanesan militar ka polisia.
Falintil mosu husi Fretilin nudar liman kroat hodi liberta povu Maubere husi kolonialismu. Nudar liman kroat povu, nia la hamrik mesak hodi defini rasik nia politika maibe tuir liña a politica manda fuzil katak politika mak determina lalaok Falintil hodi luta ba libertasaun nasional.
Konflitu barak nebe mosu iha bainhira Falintil reziste iha Fretilin nia okos. Mudansa Falintil nebe akontese iha tinan 1977 nia klaran tamba konflitu iha Fretilin nia laran. Komite Sentral iha iha nia reuniaun iha Aikurus-Aileu halakon Departamentu Defeza Nasional. A politica manda fuzil sai nudar konflitu ida iha Falintil nia laran. Eis militar Portugez nebe sai membru Falintil sinti katak nia funsaun kiik liu fali ema sivil. Tamba konflitu entre sivil no militar sai nudar fator ida hodi hamate Agostinho Espirito Santo (komandante ida iha Fronteira Norte), Aquiles Freitas (Komandante iha setor Sentru Leste) no Martinho Soares.
Diferensia boot entre Falintil uluk no F-FDTL mak Falintil la hases an husi programa sosial ekonomia hanesan edukasaun, saude no agrikultura no kultura. Forsa la haketak an husi povu nia moris. Nia moris hamutuk ho povu, povu iha, falintil. Konseitu Mao Tze Tung ikan no we mosu iha tempu neba.
Iha zona reta guarda nebe sai nudar base de apoiu sai forsa politika no lojistika rezistensia hasoru okupasaun Indonesia. Baze no apoiu nebe rahun no komite sentral nebe mate barak no naksobu, halo Fretilin tenki reorganiza an. Lideransa politik no militar nebe sei moris halibur hamutuk iha parte leste hodi reorganiza Fretilin no Falintil. Iha ekontru iha Foho Aitana, Lacluta Viqueque. Kay Rala Xanana Gusmao no Mauhunu Bolerek Karantaianu nudar membru komite sentral nebe sei ativu halo konferensia no hili membru komite sentral foun no hili lideransan iha frente diplomatiku. Fretilin muda ba Partidu Marxista Lenista Fretilin (PMLF) maibe la kleur muda fila fali ba Fretilin. Iha konflitu nebe mosu relasiona ho mudansa hirak ne’e; Kilik Wae Gae no Mauk Moruk kontra desizaun ne’e nebe halo Kilik Wae Gae sai lakon no Mau Moruk mai rende.
Falintil nebe hahu reorganiza fila fali husi parte leste halo mos membru falintil barak sai husi parte ne’e. Kolonialismu Indonesia nebe brutal no partisipasaun husi entidades laos Fretilin nebe hakarak partisipa iha luta hamosu ideia unidade nasional no halo Falintil sai apartadarismu katak sai forsa ba povu Timor tomak nian hodi luta ba ukun rasik an. A politica manda fuzil la implementa tan, komesa hamosu sistema komandoism. Laiha tan desizaun demokratiku hotu-hotu tuir sistema komando. Programa sosial ekonomi la halao tan. Povu organiza tuir sistema klandestina nebe sai subordinadu ba Falintil. Falintil ka komandu da luta mak foti desizaun. Knaar klandestina nian mak lojistika, estafeta no organiza demonstrasaun.
Molok referendum, Falintil tama iha akontanamentu no liutiha referendum mos Falintil konsidera nudar forsa ilegal tamba ne’e tenki hela nafatin iha akontanamentu iha Aileu.
Laiha diresaun husi konsellu seguransa ONU nian ba futuru Falintil. UNTAET simu proposta husi governu Britanika hodi halo estudu nebe lidera husi King’s College. Iha Fevereiru 2001 Falintil transforma ba F-FDTL. Ohin loron iha planu Forsa 2020 maibe sei kontinua segredu.
Esperiensia hatudu mai ita katak konsentrasaun luta atu duni militar Indonesia halo ita rasik laiha konseitu klaru konaba saida ita halo bainhira ukun tiha an husi Indonesia. F-FDTL hahu fali iha mudansa foun durante krize 2006, petisionariu mosu tamba konsidera iha diskriminasaun loro sae loromonu. Krize nebe konsege hamonu governu Fretilin. F-FDTL halo intervensaun iha 28 Abril 2006 ema hotu hakilar. Maibe bainhira F-FDTL tama iha operasaun konjunta hodi buka petisionariu no grupu Alfredo ema hotu nonok. Maibe triste liu liutiha eleisaun jeral 2007, problema petisionariu seidauk rezolve tamba ida nebe uluk hamutuk atu hatun Fretilin haree petisionariu nudar kerikil iha sapatu governu AMP.
Derepenti ita rona husi membru governu nebe hateten katak diskriminasaun laiha F-FDTL nia laran tamba petisionariu sira simu deit osan no fila fali ba uma hodi hahu vida sivil. Petisionariu, hanesan mos konflitu militar iha ailaran kauza ba problema nunka la rezolve. Ida kontinua sai nudar vensedor hodi halakon sira seluk.
Komemorasaun loron Falintil nudar loron atu selebra povu nia manan, maibe sai fali oinseluk, povu barak la sinti parte ona husi forsa. Derepenti iha espanduk iha dalan-dalan hodi hakerek fila fali Falintil mak Ikan, povu mak be. Ho situasaun deskonfiansa malu nebe makas liu entre povu ho povu, no entre povu ho lideransa no entre lideransa no lideransa, konseitu ne’e nudar buat mamuk ida. Too ona tempu atu haree problema nia hun hodi lori fila fali forsa armada nudar forsa povu nian laos forsa ba interese politiku grupu balun nian no halo F-FDTL nudar forsa represivu ba nia povu rasik. Labele hakfodak bainhira nain ulun sira koalia beibeik estabilidade, maibe se nia estabilidade?

11 comments:

Anonymous said...

F-FDTL nee esiste atu protege povo housi perigos nebe ameaca integridade nacional RDTL nian. Nee claro!

Hau concorda ho editorio edisaun ida nee nian nebe argumenta katak iha transformsaun iha militar nia laran, no hanoin atu luta contro militar Indonesia la hanoin didiak atu organiza an, e bele mos dehan krisi identidade.

Hau contente ita boot bele ona identifica ou detecta ona kanek e husu atu mos fo aimoruk ruma atu bele kura moras nee. Tuir hau nia hare, katak F-FDTL hahu identifica-an rasik no nia knar iha Timor Leste.

Hau orgulho ba processo ida nee maski sei precisa tempo.
hau suporta tebes!
ciao

Anonymous said...

Klaak edisaun foun iha nebe??? Semana semana hau klik mai mak ida ne hela deit ne!!!! Keta baruk ten mak diak. Ami iha liur ne mos hakarak le notisia nebe ho balansu. Agora STL mos mate teona, Klaak mos la update. Hanusa mak ami bele tuir notisia hosi timor???

Favor ida ba meluk sira iha Klaak, UPDATE THE BLOG!!!

Anonymous said...

Kla'ak foun, bainhira looosssssss?????????

Anonymous said...

klakkkkkkkkkkkk founnnnnnnnnnnn...nee husi Irlanda.

Anonymous said...

Redaksi sira keta baruk mak diak..... hare update hela blog ne ka. Loro-loron hau mak sei nafatin hela deit.... Ami nebe setia ba Klaak iha liu ne ami mos hakarak rona noticia hosi Timor liu hosi Klaak.....

Favor update dulu dong.....

Marito hosi Surabaya

Anonymous said...

hau aprecia tebtebes klaak nia servisu maibe tambasa mak edição foun seidauk tau iha blog ne?

favor, ami iha ne hakarak le Klaak.

a luta continua
hosi Irlanda

Anonymous said...

ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak founami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun
ami hakarak klaak foun

Anonymous said...

Maluk sira,

Hau mos hein hela kla'ak online maibe hanesan ita hotu hatene, ita nia rai ne'e internet la lalais no la baratu hanesan iha Eropa ka rai seluk.

Hau mos rona katak jornalista kla'ak ne'e mesak voluntariu hotu deit, katak ema la selu sira no sira maka hasai rasik sira nia osan rasik hodi selu kla'ak versaun print nian cada semana. So, calma uituan maluk sira. Ita hein la kleur tan maluk sira iha kla'ak tau ona edisaun foun online.

Iha medium seluk mos atu tuir noticia Timor-nian:
1. http://timorleste.livejournal.com/
2. http://thediliinsider.blogspot.com/
3. http://tl-dailymedia.blogspot.com/
4. http://cjitl.org/

Viva kla'ak

Feto.Timor said...

Bravo kla'ak

Feto.Timor said...

Bravo Kla'ak

Anonymous said...

kolen deeeehhhh..
loron baloron loke mak edisaun antigu deit,baruk ga nusa mak edisaun foun laiha nee??
be STL nee ba nebe mak asesu husi internet la diak??