Grupu Haksesuk Kla'ak (Discussion Group)

Subscribe ba Kla'ak Online
Email:
Vizita grupu ne'e

23 April 2008

Naldo Rei Hakerek Livru, Publika Iha Australia

Angie Bexley

Titulu: Resistance: A Childhood Fighting for East Timor
Autor: Naldo Rei
Imprimidor: St Lucia Queensland, Univesity Of Queensland Press
Total pajina: 338

Naldo Rei nia istoria moris nudar testimuña ba sakrifisiu ne'ebé Timor-Leste hasoru durante luta kontra militar Indonesia ba Independensia. Ida ne'e nudar literariu ba dala rua hosi autor Timor oan ne'ebé publika iha Ingles iha periodu liutiha okupasaun. Ba dala uluk mak The Crossing, knaar furak iha diaspora ne'ebé Luis Cardoso hakerek. Cardoso nudar parte hosi membru ne'ebé relativamente previleju, joven ho orientasaun lusofonu moris iha administrasaun kolonia Portugez no eduka iha seminariu Katoliku. (Nia kontemporaniu inklui numeru futuru lider politika, entre sira mak eis lider rezistensia no Primeiru Ministru atual Xanana Gusmão). Cardoso hetan bolsu estudu atu estuda iha Lisboa molok invazaun Indonesia ba Timor-Leste iha tinan 1975. Situasaun ne'e halo nia labele fila ba Timor durante tinan 24 nia laran. Knaar rua ne'e refleta jerasaun ho esperiensia diferente no trajetoria pesoal.

Moris iha 1975, Rei nudar labarik okupasaun. Nia livru fo naroman ba esperiensia no jerasaun jovem ne'ebé sosializa iha kultura rezistensia no segredu. Liu husi nia lensa pesoal ne'ebé hodi nia hosi Timor-Leste ne'ebé Indonesia okupa liu hosi Jakarta no exiliu iha Australia no fila ba Timor-Leste ne'ebé independente - ami mai atu komprende oinsa esperiensia formativu rutiniza iha violensia ne'ebé fo impaktu ba politizasaun jerasaun ne'e. Ami aprende hosi efeitu devastasaun funu no dezlokasaun strutura familia: oinsa otas labarik nia radikaliza no haree ho besik no oinsa nesesidade no ambisaun nudar jovem lakon iha luta nia laran.

Rei nia moris uluk marka ho post invazasaun ne'ebé khaotiku no rihun ba rihun ema sai refujiadu iha foho atu hadook an hosi forsa Indonesia; sira nia hakoi tuir mai no subjesaun ba tekniku kontrola ne'ebé intensu no intimidasaun. Momentu ne'ebé determina nia moris mak bainhira forsa Indonesia oho nia aman. Eventu kritiku "muda hau, labarik nurak sai nudar soldadu no luta nain rezistensia. Justisa ba hau nia aman no hau nia rai, no hirus ba opresaun ne'ebé ami hasoru konstantamente, halakan ho ahi iha hau nia kabun" (276). Hosi pontu ne'eba, nia identidade nudar rezistensia ida firme kedas.

Rei rekruta ba movimentu klandestina nudar mensajeiru espesial, papel ne'ebé presiza joga moris iha risku laran ba moris duplu. Tenki iha loyalidade ne'ebé labele kestiona iha autoritariu no korente hirarkia komando, iha ne'ebé labarik nurak ne'e tuir hela deit. Militar Indonesia kaer, interoga no tortura nia beibeik. Esperiensia traumatiku serve deit atu reforsa tan nia patriotismu, no nia hetan reputasaun nudar "ema ne'ebé nunka tohar". Nia sakrifisiu boot tebtebes, konsekuensia atu sobreviver ba asaltu fiziku no psikolojiku nudar forma depersonalizasaun no distansia emosional.

Lakon suporta familia no tulun hosi kedas otas nurak, nia hetan komunidade no domin fraternu entre nia kamarada sira iha redi rezistensia. Liu hosi moris intensu tebtebes, hyper-maskulinu no hyper-mundu vijilante no kontra insurjensia no hanoin, Rei ema ne'ebé interesante ho karisma flokoriku no mistiku ba rezistensia prinsipal - no nia aman nudar figura ida nia servisu atu proteje. Heroiku, no dala ruma romantiza, imajen hosi tipu gereileiru uluk sai nudar sentru ba identidade Rei: nia hakiak nia fuuk naruk atu aserta ba diferensia ho forsa Indonesia.

Kultura rezistensia forma nia relasaun ho feto. Kode konduta ne'ebé forte hodi hases an hosi sasan romantiku, maski nune'e autor ho moe-moe inziste katak nia laiha interese no enerjia ba sasan sira hanesan ne'e, nia klaramente la interese ba atensaun feto foin sae sira, mos la preokupa ho nia imajen rasik nudar esotiku. Nia memoria ba nia aman ne'ebé militar Indonesia oho forma nia patriotismu, nia konesaun ba inan hakiak ne'ebé fo emosaun besik ne'ebé nia laiha. Tematikamente, feminiza espasu ba protesaun ba feto hirak ne'e ne'ebé reprezenta, fo dalan ba kontra kultura superior maskulinu, no parsialmente troka hodi nega nia an rasik ba komitmentu ba luta ninian.

Halai ba estranjeiru, lori mudansa ba Rei nia moral no sensu ba nia an rasik. Iha nia halai ba Jakarta, nia moris hosi suporta ativista pro-demokrasia Indonesia no grupu solidariedade hosi ne'ebé nia servisu besik: ida ne'e fundamentalmente muda nia dezafiu ba asumsaun hasoru Indonesia hanesan inimigu. Maski ho nia terus no frustasaun nia sofre iha ne'eba, nia kontinua involve iha ativismu estratetejiku ba mundu. Relokasaun ba mundu, ho kontrariu, esperiensia nudar la hakbiit. Nia luta ho soke kultural, difikuldade osan, difikuldade lingua no sensu ba ema ne'ebé husik let.

Bainhira libertasaun mai, Rei fila ba Timor-Leste atu dokumenta selebrasaun independensia. Liutiha hetan tiha liberdade iha tempu inisiu, iha lakon koletivu ba momentum no fokus. Lakon sira nia papel sentral iha urbana bazeia ba intifada, jerasaun Rei hasoru dezafiu, oinsa atu rekonsilia ho pasadu no rekonstrui sira nia an rasik hanesan sujeitu ba post kolonial. Nia livru no testamuña ba sira nia terus. Ne'e fo kestaun fundamental konaba papel poder patriarkal iha konstrusaun ba kultura luta nain. Reflete ba legalidade nia rezistensia iha tempu kiik ona, nia hakerek "labarik tenki labele sai soldadu…Hau sinti hau lakon hau nia tempu labarik no sei nunka hetan fila fali" (278).

Hakerek ho diak, narativu Rei nudar konsiensia rasik no sentimentu no laiha kualidade liriku no laran diak, humor ne'ebé hatun hanesan The Crossing hosi Cardoso. Maibe nia istoria nudar kontribuisaun importante ba literatura Timor ne'ebé foin moris ne'ebé fo inspirasaun sira seluk atu hakerek sira nia rasik.

*) Angie Bexley hosi Department of Anthropology, Research School of Pacific and Asian Studies, The Australian National University. Artigu ne'e hakerek nain haruka ba kla'ak atu publika

7 comments:

Anonymous said...

Naldo nia livru hanesan inspirasaun bo'ot ba Timor oan hotu ne'ebe moris iha colonialisme Portuguese no Indonesia atu hererek sira nia memoria kiik.

Parabens Naldo!

Unknown said...

Hato'o ba Kla'ak,

Hare'e liu deit Naldo nia livru, hau hakarak hato'o parabens bo'ot ida ba nia. Hau foti sapeu liu-liu ba ninia involvementu iha klandestina iha Lospalos. Maibe, karik koalia konaba 'indonesianisasi' problema Timor ho movimento prodemokrasia iha Indonesia, karik Naldo tenke rekunhese katak nia papel iha ninin liu kompara ho Timor oan seluk. Los duni Naldo hela hamutuk ho PRD sira, maibe saida mak nia halo durante iha jakarta? karik tein ba PRD sira tan naldo subar iha Roi PRD nia uma, ka halo saida tan, karik haksoit lutu hamutuk ho aktivista seluk...maibe se ita hare liu deit nia livru konaba aktividade iha jakarta Naldo tau aa'an hanesan ema importante boot ida nebe'e mak iha asesu boot ba prosesu 'indonesianisasi' problma TL. citra hanesan mos mosu iha naldo nia entrevista ho ABC fulan kotuk ba...katak...los duni naldo mak lider joven Timor oan sira iha jakarta hodi servisu hamutuk ho aktivista indonesia sira...? karik naldo klaim sala an...Naldo tenke aten brani atu rekonhese maluk Timor oan sira seluk nebe mak kaer papel boot liu hodi halo prosesu indonesisianisi ba problema TL iha Indonesia....hau bele kumprende katak 'malae' nebe mak tulun naldo hakerek livru ne'e ladun kumpriende ita nia dinamika iha Indonesia, maibe naldo tenke lokesai informasaun ne'e. sala bot se naldo secara sengaja dan sadar menempatkan a'an hanesan lider boot ida iha jakarta. Ita husu bot maluk sira hanesan Virgilio Lamukan no Nando Lasama sei iha tempu atu hakerek buat ruma konaba Jakarta...

Jose Matadalan

Anonymous said...

Resposta ba Maun Jose Matadalan kona kritika Livru "Resistance" ne'ebe hau hakerek.

Hau simu ona ita bo'ot nia mensajem ne'ebe dedika mai hau liu-liu kritika ba hau nia livru "Resistance" ne'ebe hau hakerek. Hau fo' parabens tamba ita bo'ot le' ona livru ne'e, maski la hatene nia kontiudu saida. Hau nunka tau hau nia'an hanesan ema bo'ot ka importante tamba hau moris laos ho ambisaun ne'ebe hakarak bo'ot maibe nu'udar Maubere oan ne'ebe luta mos ba ukun rasik'an.

Hau nia kolega barak iha Renetil hanesan Fernando Lasama, Lucas Da Costa, Virgilio Guterres, Joaquim Fonseca, Mariano Sabino no seseluk-tan. Hanesan iha PST mak Avelino Coelho, Aquita, Bosco no seseluktan, sira ne'e mak lider joventude sira nian iha Indonesia laos hau. Hau laos lider ka ema bo'ot tamba servisu iha klandestina la presiza atu hatudu'an saida mak ita halo ba rai ida ne'e maibe ita iha obrigasaun no dever atu partisipa iha luta ba ukun rasik'an.

Timor oan barak mak mate no terus ba rai ida ne'e. Iha Indonesia barak mak involve iha rezistensia. Timor oan barak mak involve ho solidaridade Indonesia nian hodi promove kazu Timor Leste nian iha komunidade internasional nia oin hori uluk kedas. Ami ne'ebe foin ba Indonesia iha 1995 hanesan hatutan deit. Hau la dehan hau mak kaer papel bo'ot iha prosesu mudansa iha Indonesia e laos hau mak autor ba independensia ba Timor-Leste maibe ema Maubere oan sira ne'ebe hori uluk kedas fo'an ba mate hodi liberta Povu Maubere husi nakukun laran, liu-liu FRETILIN ne'ebe haklaken UKUN RASIK'AN. Tan deit Ukun Rasik'an mak povu Maubere luta iha ailaran, sidade no tasi balun hodi hasoru forsas armadas Indonesia ne'ebe iha ditadura Suharto nia okos.

Livru, hau rasik mak hakerek laos ema "malae" ne'ebe ita bo'ot temi dehan sira lahatene dinamika politika iha Indonesia. Sira hanesan hau nia editor ne'ebe ema hotu presiza wainhira hakarak hakerek livru ida.

Hau hatene ita bo'ot nudar "Matadalan" maibe tenki hare didiak livru ne'e nia kontiudu tamba livru ne'e hau hakerek "Personal life" laos "History" . Hau hakerek buat ne'ebe akontese iha hau nia vida pesoal luta ba ukun rasik'an ne'eduni susar teb-tebes atu inklui ema hotu nia naran iha livru ida.
Karik wainhira maun abut Matadalan hakerek Livru ida mak tau hotu ema hotu nia naran ho nia aktividades (Mudah-mudahan Bou Matadalan bele) Parabens. Hau labele inklui ema hotu nia naran iha hau nia livru tamba ne'e hau nia vida pesoal e hau mos la hatene saida mak ema seluk halo.

Hau agradese ba ita bo'ot nia kritika maski ita bo'ot dehan hau iha Jakarta "karik tein deit ba PRD sira la halo buat ida". Hatan liafuan ida ne'e hau so fo' deit Obrigado barak ba maun abut Matadalan tamba maun abut Matadalan mak halo hotu, ami tur hateke deit iha prosesu funu ba ukun rasik'an. Liafuan ida ne'e sadik hau hodi lembra fila fali "Sabalae ho Konis nia liafuan ne'ebe hateten ba maluk ida ne'ebe gaba sola, halo'an nune'e: "Bidon kuando mamuk ita baku nia lian maka'as i halo ema hotu rona maibe kuando bidon nakuno ita baku mos lian la sai".

Iha hau nia intrevista ho ABC iha fulan kotuk ne'ebe ita bo'ot dehan hau mak tau an 'hanesan lider bo'ot iha Jakarta" ita bo'ot sala tamba hau dehan hau hanesan lider no spokesperson ba demonstrasaun 7 de Dezembru 1995 iha Embaixada Holanda nian. Ne'e ema hotu hatene ida ne'e inklui lider Renetil sira no maun bo'ot Xanana Gusmao. Laos hau mak lider Timor nian tomak iha Jakarta. "Sadar ou la sadar, sengaja ou la sengaja" hau nunka tau hau nia'an hanesan lider bo'ot ida iha Jakarta hanesan maun Matadalan hateten. Ita bo'ot mak Matadalan ami alin sira tuir deit husi kotuk.

Livru ne'e hau dedika ba Povu Maubere oan tomak ne'ebe mate ona ba rai ida ne'e ka sei moris iha Frente Armada, Frente Diplomatico no Frente Clandestina, ne'eduni ema hotu Timor oan ka Indonesia ka rai ne'ebe deit luta ba Timor-Leste nia ukun Rasik'an. Ne'eduni livru ne'e hau dedika mos ba ita bo'ot.

Obrigado barak ba maun abut Matadalan nia kritika.

Abracos,
Naldo Rei (Puto Oan Kiak Funu)

Naldo Rei said...

Resposta ba Maun Jose Matadalan kona kritika Livru "Resistance" ne'ebe hau hakerek no publika iha Australia.
____________________________________________________________

Hau simu ona ita bo'ot nia mensajem ne'ebe dedika mai hau liu-liu kritika ba hau nia livru "Resistance" ne'ebe hau hakerek. Hau fo' parabens tamba ita bo'ot le' ona livru ne'e, maski la hatene nia kontiudu saida. Hau nunka tau hau nia'an hanesan ema bo'ot ka importante tamba hau moris laos ho ambisaun ne'ebe hakarak bo'ot maibe nu'udar Maubere oan ne'ebe luta mos ba ukun rasik'an.

Hau nia kolega barak iha Renetil hanesan Fernando Lasama, Lucas Da Costa, Virgilio Guterres, Joaquim Fonseca, Mariano Sabino no seseluk-tan. Hanesan iha PST mak Avelino Coelho, Aquita, Bosco no seseluktan, sira ne'e mak lider joventude sira nian iha Indonesia laos hau. Hau laos lider ka ema bo'ot tamba servisu iha klandestina la presiza atu hatudu'an saida mak ita halo ba rai ida ne'e maibe ita iha obrigasaun no dever atu partisipa iha luta ba ukun rasik'an.

Timor oan barak mak mate no terus ba rai ida ne'e. Iha Indonesia barak mak involve iha rezistensia. Timor oan barak mak involve ho solidaridade Indonesia nian hodi promove kazu Timor Leste nian iha komunidade internasional nia oin hori uluk kedas. Ami ne'ebe foin ba Indonesia iha 1995 hanesan hatutan deit. Hau la dehan hau mak kaer papel bo'ot iha prosesu mudansa iha Indonesia e laos hau mak autor ba independensia ba Timor-Leste maibe ema Maubere oan sira ne'ebe hori uluk kedas fo'an ba mate hodi liberta Povu Maubere husi nakukun laran, liu-liu FRETILIN ne'ebe haklaken UKUN RASIK'AN. Tan deit Ukun Rasik'an mak povu Maubere luta iha ailaran, sidade no tasi balun hodi hasoru forsas armadas Indonesia ne'ebe iha ditadura Suharto nia okos.

Livru, hau rasik mak hakerek laos ema "malae" ne'ebe ita bo'ot temi dehan sira lahatene dinamika politika iha Indonesia. Sira hanesan hau nia editor ne'ebe ema hotu presiza wainhira hakarak hakerek livru ida.

Hau hatene ita bo'ot nudar "Matadalan" maibe tenki hare didiak livru ne'e nia kontiudu tamba livru ne'e hau hakerek "Personal life" laos "History" . Hau hakerek buat ne'ebe akontese iha hau nia vida pesoal luta ba ukun rasik'an ne'eduni susar teb-tebes atu inklui ema hotu nia naran iha livru ida.
Karik wainhira maun abut Matadalan hakerek Livru ida mak tau hotu ema hotu nia naran ho nia aktividades (Mudah-mudahan Bou Matadalan bele) Parabens! Hau labele inklui ema hotu nia naran iha hau nia livru tamba ne'e hau nia vida pesoal e hau mos la hatene saida mak ema seluk halo.

Hau agradese ba ita bo'ot nia kritika maski ita bo'ot dehan hau iha Jakarta "karik tein deit ba PRD sira la halo buat ida". Hatan liafuan ida ne'e hau so fo' deit Obrigado barak ba maun abut Matadalan tamba maun abut Matadalan mak halo hotu, ami tur hateke deit iha prosesu funu ba ukun rasik'an. Liafuan ida ne'e sadik hau hodi lembra fila fali "Sabalae ho Konis nia liafuan ne'ebe hateten ba maluk ida ne'ebe gaba sola, halo'an nune'e: "Bidon kuando mamuk ita baku nia lian maka'as i halo ema hotu rona maibe kuando bidon nakuno ita baku mos lian la sai".

Iha hau nia intrevista ho ABC iha fulan kotuk ne'ebe ita bo'ot dehan hau mak tau an 'hanesan lider bo'ot iha Jakarta" ita bo'ot sala tamba hau dehan hau hanesan lider no spokesperson ba demonstrasaun 7 de Dezembru 1995 iha Embaixada Holanda nian. Ne'e ema hotu hatene ida ne'e inklui lider Renetil sira no maun bo'ot Xanana Gusmao. Laos hau mak lider Timor nian tomak iha Jakarta. "Sadar ou la sadar, sengaja ou la sengaja" hau nunka tau hau nia'an hanesan lider bo'ot ida iha Jakarta hanesan maun Matadalan hateten. Ita bo'ot mak Matadalan ami alin sira tuir deit husi kotuk.

Livru ne'e hau dedika ba Povu Maubere oan tomak ne'ebe mate ona ba rai ida ne'e ka sei moris iha Frente Armada, Frente Diplomatico no Frente Clandestina, ne'eduni ema hotu Timor oan ka Indonesia ka rai ne'ebe deit luta ba Timor-Leste nia ukun Rasik'an. Ne'eduni livru ne'e hau dedika mos ba ita bo'ot.

Obrigado barak ba maun abut Matadalan nia kritika.

Abracos,
Naldo Rei (Puto Oan Kiak Funu)

Klaak-Semanal said...

Ola Naldo,

Obrigado ba ita boot nia reposta. Dala ida tan hau hato'o parabens ba Naldo ne'ebe mak iha korajem hakarek ona livru ne'e. Tuir hau nia hanoin ne'e kontribuisaun boot ida ba istoria TL nian. Hau hanoin, Naldo la lalika hakfodak se ema balun hanesan hau karik sei mosu ema seluk tan, nebe mak hato kritika ba Naldo. Tan ne'e mak livru nia importansia tan hodi pasa informsaun ba publiku hodi publiku fo reajem, balun aseita balun la aseita...Dala ida tan parabens ba kolega Naldo...

Jose Matadalan

dacosta said...

In this writing, Id like very much to thank Maun Naldo Rei for his hones account of the suffering and tortured that he endured during the occupation. I bought the book when I was browsing through the bookshop at my uni. Every page of the book tells an alarmingly inhuman cruelty of the Indonesian army during the occupation, as a timorese, when I turn to every page for the reading,I cried hugely for the real story told. Naldo, thank you very much, if it is not becouse of your book, I would not have known and appreciated what suffering during the occupation of our land mean. Now, Im reading up to chapter 32 sth, I will be finishing soon.Every east timorrese, specially the young generation, should read this book, otherwise we wouldnt really understand what freedom means in a free East Timor. I hope to see this book translated into tetum and bahasa indonesia sometime in the future.

Thank You Naldo.

dacosta said...

In this writing, Id like very much to thank Maun Naldo Rei for his hones account of the suffering and tortured that he endured during the occupation. I bought the book when I was browsing through the bookshop at my uni. Every page of the book tells an alarmingly inhuman cruelty of the Indonesian army during the occupation, as a timorese, when I turn to every page for the reading,I cried hugely for the real story told. Naldo, thank you very much, if it is not becouse of your book, I would not have known and appreciated what suffering during the occupation of our land mean. Now, Im reading up to chapter 32 sth, I will be finishing soon.Every east timorrese, specially the young generation, should read this book, otherwise we wouldnt really understand what freedom means in a free East Timor. I hope to see this book translated into tetum and bahasa indonesia sometime in the future.

Thank You Naldo.